فنجـــــــان جبنة ولا كباية شاى بمزاج فى الصباحية

[ودقلبها ودامدر]

السلام عليكم ورحمة الله تعالى وبركاتة
اخوانى ناس منتديات امدرمانى الرائعين
اولاد امدر الاصالة
جاتنى فكرة البوست ده وقلتة فرصه نتقرب من بعض اكتر
رأيكم شنو نسمية جبنة الصباح وكل وزول يدخل يشرب ليه فنجان جنبة ويقول اىى حاجه تجى فى خاطره
بيت شعر.... بيت دوبيت...وصف اكله معينه... خاطره... وصيه لى عضو..... حديث اعجبك من الاحاديث الصحييحة =اية اعجبتك وغيرت فيك بعض الشى من حياتك = حكمة = وصيية من عضو الى انسان اى كان = اى شى المهم نحس انه الناس كلها فى لمة وفى حبور وفرح واخاء وود فى اللة وعلى اللة حتى نكون فى زمرة السبعة الدين يظلهم اللة بظلة يوم القيامة والكل يعرف الحديث الشربف
واتمنى انه البوست ينجح ويكون لينا زى استرااحه لنا جمعيا
وارجو ان يثبت الموضوع حتى تكون هناك الكثير من المشاركات
يلا حضرنا عدة الجبنة والقهوة والشاى ونريد من واحدة من الاخوات ان تتبرع بعمل الجبنة وتقوم وتقلى البن ولانريد بن جاهز ولا نسكفى وغيرة من القهوة العصرية
ودايرين جبنة وقهوة حبوببتننا السودلنية الاصلية والتى قال فيها الشاعر
نفوسنا الصابرة مغلوبة اصلوا الغربة مكتوبة
بدور الرجعة لدرانا بدور اشوفة حبوبة
فى ضل الضحى الهابى ماخدة التكيية هبابى
وحفيدة ليها بتشابى
دى حبوبتى العظيم شانة دى فى كيفة سلطانة
والمقصود ان الحبوبة كانت تعمل فى جبنة وهى اكثر الاشياء التى يحبها الحبوبات وكانوا يجدونها وكانوا يتفنون فيها وكانت لهم طلاسم وطقوس خاصة بتلك القهوة والجبنة وهييا بنا الى فنجان الجبنة
والى الاخت من تتبرع بعمل الجبنة كل الاشياء لعمل الجبنة جاهزة عندك وهى

منقد
جبنه طين
قلاية
شرقرق
فناجين صينيه
بن
هبهان
جنزبيل
قرفه
قرنفل

خلاص القهوة على كل يوم الصباح تلقوها جاهزه وكمان المساء
يلا على بركة الله
مع تحيات اخوكم
ودقلبها ودامدر

__________________

[ودقلبها ودامدر]

كابوس صابر أيوب ست الشاي أف. بي. آي

قصيدة هاشم صديق

كابوس صابر أيوب ست الشاي أف. بي. آي
الرادي يساسق
بين بريطانيا
وبين أمريكا
...
و(صابر) سارح
لنفسو يصارح
-يا صابر هوي
رمضان جاييكا
حجتيب من وين
قروش السكر
وحق الويكة؟!
..
(الرادي) يناهد
وسط الحوش
بين (بن لادن)
و(عمر المُلا)
و(مستر بوش)
-تصريح
من لندن
-أخبار
من (غزة)
وجيران صابر
عاملين (قعدة)
انقلبت (ندوة)
في الكأس العاشر
(بالعرقي) الداشر
والليل مصبوغ
بي رحية (المزة)
...
الرادي يكورك
وسط الحوش
-افغانستان
موت أفغان
-مستر بوش
وخواجة بيصرخ
وصوته مرخرخ
زي (حنكوش)
-القصف يدك
أركان (كابول)
...
ووالدة (صابر)
حاجة (بتول)
مشدوهة تقطع
عيش الفتة
تكب سرحانة
في موية الفول.
-يوماتي عشاهم

(فتة بوش)
والرادي يساسق
بين (بن لادن)
ومستر (بوش)
وصابر يطنطن
-الصاح مقلوع
السيف مرفوع
الكلمة غموض
والمغنى فروع
الدنيا خراب
والأقوى مهاب
والعدل رهاب
...
الليل مشروق
بي فتة فول
وصوت (الحاجة)
الوالدة (بتول)
يناغم صابر
-شنو الإرهاب؟
ويتمتم صابر

قلـ...قلتي
شنو؟
وترد (الحاجة)
-مالك مرعوب؟
تتلفت ليش؟!
تقول مزرور
بي عسكر وديش؟!
سألتك بس
شنو الإرهاب؟!
واتنحنح (صابر)
صنقع ودنقر
حك رويسو
اتمدد وصنقر
وقال للحاجة
-سؤالك يمة
جوابو كتاب
لكن....
لكن يا (حاجة)
زي ما تقولي
طلع ربّاط
في الليل
لي زول
بي سيف مسلول
وشال من جيبو
قروش العيش
وحق الفول
أو زول آمن
يقع في مكيدة
يموت مكتول
وزي تغيان
على الفقران
على المسكين
على الأعزل
على المشلول
...
وتتدقق
...نة (الحاجة)
زي راجمة
وتصبح ناغمة
-وحسع نان
منو الرباط؟
امريكا؟
(بن لادن)؟
ولا الأفغان؟
من التغيان
منو المسكين؟
من المظلوم
(مستر بوش
ولا فلسطين؟
شنو الـ......
منو الـ....
...
ضحك (صابر)
وحك رويسو
واتنحنح
وقال للحاجة
-يمة اتعشي
أكلي البوش
لو عارف ردود
لي ديل
ما كان الرويس
مدووش
...
سكت صابر
رقد معبور
وصوت الرادي
لا في الدنيا
لسة بيدور
سرح صابر
ودمو يفور
نكش حزنو
وقال لي نفسو
من قلبو
أريت الدنيا
حسه تغور
...
سمع صوت أمو
تاني يلح
-دحين يا وليد
بدور أسأل؟
ويرد صابر وضيق العبرة
طعمو ملح
نعم يمة
قايلك نمتى
وترد الحاجة
أنوم كيفن
وصوت الرادي
في أضني
زي مكنة؟!
بدور أسأل
دحين أمريكا-
ما ياها
العذابا دنا؟؟!
...
ويرد صابر
وضحكو علا
-عذاب أمريكا
ولا هنا؟؟!
عذاب أمريكا
ولا أنا؟
ويصن لحظات
-دحين يمة
-ورمضان جاي
هم أمريكا
ولا اللقمة
والويكة الرادي يساسق
بين بريطانيا
وبين أمريكا
...
و(صابر) سارح
لنفسو يصارح
-يا صابر هوي
رمضان جاييكا
حجتيب من وين
قروش السكر
وحق الويكة؟!
..
(الرادي) يناهد
وسط الحوش
بين (بن لادن)
و(عمر المُلا)
و(مستر بوش)
-تصريح
من لندن أخبار
من (غزة)
وجيران صابر
عاملين (قعدة)
انقلبت (ندوة)
في الكأس العاشر...
ترد الحاجة تفتش لكيس
تمباكا
في الكراب
نقول همين
عذاب وعذاب
تخت السفة
وتبرطم
-دحين يا وليد
ده مو الإرهاب؟!!
...
ويصن الليل
ورأس صابر
يدقدق ساي
يشرق جاي
يغرب جاي
- كراتشي
- أباتشي
- أنقرة
- عنقرة
- ربع الويكة
- صوت أمريكا
- جمرة خبيثة
- مكيدة دسيسة
- بي. بي . سي
- أي. أن. تي
- سي. أن. أن
- توني بلير
- كلام الطير
- خبر وحواشي
- إبراهومة
- أموكاشي...
ويقع صابر
في بير النوم
ويشوف روحو
بدل (أمجاد)
ركب بعشوم
وشاف الناس
توسوس ساي
خبر يا هناي
ست الشاي
أف. بي آي
وأحمد بيه
سي . أي. أيه
ووسط الموز
لقينا (كروز)
-برج كلتوم
ملان بحمام
وقع صاروخ
شق حشاهو
سكن جواهو
سوا حطام ويغوص صابر
غرق أكتر
في بير النوم ويشوف الحاجة
امو (بتول)
وسط الزحمة
رافعة أيدها
بي قندول
تكورك وتهتف
- لا أمريكا
- بل فتريته)
(أنحنا الساس)
رافعين رأس
ما ببنتراجع
ما بنتهان
ما بنخاف
الأمريكان
...
ويشوف صابر
بيوت الحلة
تتغامز
وتتريق
على الحاجة
وتتلامز
ووسط اللمة
صوت الحاجة
عالي فصيح
(تشيلو الريح)
...
صوت الرادي
مابي النوم
الموت أخبار
الظلم حصار
الرعب خيار
والليل حزنان
الليل عريان
والقمرة هدوم
الليل مفضوح
والنجم كتوم
الدينا تصن
لقيامة تقوم
صابر مجروح
في نومو
يئن
وفي الرادي تجن
بالتار
(بيق بن)
والنشرة تجيب
أخبار الشوم
كابوس صابر
قفة خضار
سوت جنحين
طارت لي فوق
والفاقة مطار
...
كابوس صابر
يعلم أيه والدنيا مصالح
وسي. آي. أيه
...
كابوس صابر
الناس بتوسوس
وتنضم ساس
ست الشاي
أف بي آي
...
كابوس صابر
الدنيا مغازي
يموت الحب
ترمي أخوك
في بطن الجب
وتترتر غادي
تناصر الغازي
...
كابوس صابر
الكلمة ضحية
إرهاب مشروع
وإرهاب وحشية
ضحايا غبش
وضحايا غنية
...
كابوس صابر
الناس (بالقرجة)
تقيف لل...ة
تغير لونها
ميتين درجة
...
كابوس صابر
هم الويكة
والفتريتة
ونار أحزانو
ونار أمريكا
...
كابوس صابر
الصاح مقلوع
السيف مرفوع
الكلمة غموض
والمعنى فروع
الدنيا خراب
والأقوى مهاب
والعدل رهاب
الرادي يلغلغ
وسط الحوش
بين (بن لادن)
و(عمر الملا)
ومستر بوش
- أفغانستان
- موت أفغان
- القايمة تطول
- عراق.. سوريا
- جنوب لبنان
- وما معروف
- تاني كمان!
تجي الحملة
عقاب جملة
(على الإرهاب)
...
على الإنسان؟!
القصف يدك
أركان كابول
ووالدة (صابر)
حاجة (بتول)
حلمانة تقطع
عيش الفتة
تكب سرحانة
في موية الفول
يوماتي عشاهم
فتة (بوش)
والرادي يساسق
بين (بن لادن)
ومستر (بوش)
...
صوت الرادي
مابي النوم
والليل حيران
الليل حزنان
الليل عريان
والقمرة هدوم
الليل مفضوح
والنجم كتوم
...
كابوس صابر
قفة خضار
سوت جنحين
طارت لي فوق
والدنيا مطار
...
كابوس صابر
صوت مبلوع
حق مقلوع
والموت بالجوع كابوس صابر
يعلم أيه
والدنيا مصالح
وسي. آي. أيه
...
كابوس صابر
الناس بتوسوس
وتنضم ساي
ست الشاي
أف. بي. آي

[ودقلبها ودامدر]

وصف للزمان واهله ...


لاهذا الزمان........................
من لي يواسيني بمر عذابي ـــــــــ في وحدتي و تغربي و مصابي
لا شيء القى في الحياة يسرني ـــــــــــــ مثل الذي القاه من اتعاب
سايرت كل الناس حسب طباعهم ــــــــ فوجدت فيهم ندرة الأصحاب
ورجوت ان القى صديقآ مخلصآ ــــــــ افضي اليه من السرائر ما بي
فوجدت ان الناس يصعب ودهم ــــــــــ وتقل فيهم ميزة الأطياب
لا عجب في هذا فإن صلاتنا ــــــــــ باتت على الأطماع و الأسلاب
والناس ضاقت بالهموم ولم تعد ــــــــــــ فيهم صفات الحب والأحباب
نسي الشقيق مع الزمان شقيقه ـــــ__ـــــ و كأنهم في البعد كالأغراب
فالمال فرقهم و مزق شملهم ـــــــــــــ وقضى على الأرحام والأنساب
وعلاقة الأفراد فيما بينهم ــــــــــــــــكعلاقة المتخوف المرتاب
الصدق و الاخلاص زالا عندهم ــــــــــــــــــ و تنافروا لتوافه الأسباب
أسفي على هذا الزمان فإنه ـــــــــــــــــــــــ أضحى لكل منافق كذاب


مع تحياتى

[الزرنخي]

والله قهوتك كاربة يا ودقلبها يا ود ام در لكن وين اهلها
يبدو اولاد الزمن ده ما ليهم في القهوة ولاشاي اما انا
من ناس الزمن الزمان ومرة مرة بجيك واشرب معاك القهوة
ان شاء الله فتك عافية يا ود قلبها

[بت الثورة]

السلام عليكم ورحمة الله وبركاته

الاخ الفاضل كلامك صاح ممكن الناس تتلما الصباحية بس انا مامن رواد القهوة ولابعرف

اسويها زمننا ده زمن الجري مافي وقت تقلي بن وبصرااااااااااااااااحة مافي وقت لدرجة اني

ماقريت القصيدة كاملة عذرا لكن بقترح المشاركات تكون قصيرة وانشاالله دايما متواصلين

[نونه]

شكرا علي حسن الضيافه

انا غايتو زوله شااي

صباحكم جميل

[بت الثورة]

سلام للحاضرين والغائبين نتمنى عودة كل الطيور المهاجرة

[ودقلبها ودامدر]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

مْمْڪڼ
طڷب صغير
‏‏‏‏‏‏‏‏‏‏مْمْڪڼ ترسڷ ‏‏‏‏‏‏‏‏آڷقرآڼ آڷڪريمْ ڷڪڷ أللي مضافين عندك •» ‏‏‏‏‏‏‏‏تخيڷ ڼفسڪ تـمْۈت ۈآڼت ڼآشر هذآ آڷمْـۈقع
http://www.tvquran.com